ट्राफिक प्रहरी क्वारेन्टाइनमा गएपछि सडक अस्तव्यस्त बन्यो, आफै संयम बनौं : प्रमोद खरेल

प्रमोद खरेल नेपाली आधुनिक तथा पार्श्व गायक हुन्। उनी नेपालको वर्तमान सङ्गीत क्षेत्रका एक बहुप्रतिभाशाली गायकको रुपमा परिचित छन्।

उनले समसामयिक विषयमा सामाजिक सञ्जालमा आफ्नो भनाइहरु राख्ने गर्दछन् । अहिले कोरोनाको महामारीले विश्व आक्रान्त बनेको बेला नेपाल पनि त्यसबाट अछुतो बन्न सकेको छैन ।

अहिले काठमाडौंमा पनि कोरोनाको जोखिम देखिन थालेको छ । विशेषगरी ट्राफिक प्रहरीहरु कोरोना संक्रमित भएर क्वारेन्टाइनमा बसेपछि गायक खरेलले ट्वीटर मार्फत आफ्नो भनाइ राखेका छन् ।

उनी लेख्छन्, उपत्यकामा ३ सयजना ट्राफिक प्रहरी क्वारेन्टाइनमा रहेको खबर आयो । ट्राफिक प्रहरी अभावले उपत्यका मा सडक केही अस्तव्यस्त देखियो।

यो अवस्था मा हामी सवै आफैं संयमित बनौ र सहयोग गरौं ।


घाम पानी केहि नभनी सेवामा खटिने ट्राफिक ज्यू हरुको शिघ्र स्वास्थ्य लाभको कामना गरौं

हेरौं उनको ट्वीट

सरकारले लकडाउन अन्त्य भएको घोषणा गरेसँगै सडकमा मानिहरुको चाप बढिरहेको छ । यसले गर्दा कोरोना फैलनसक्नेतर्फ संकेत गर्दै गायक खरेलले सबैमा संयम हुन आग्रह गरेका हुन् ।

प्रतिक्रिया दिनुहोस