सोमबार ४ सय १८ नयाँ संक्रमित भेटिए

सोमबार नेपालभर ४ सय १८ नयाँ संक्रमित थपिएका छन् ।

स्वास्थ्य तथा जनसंख्या मन्त्रालयका प्रवक्ता डा जागेश्वर गौतमका अनुसार देशभरका प्रयोगशालमा ७ हजार ६ सय ३७ जनाको नमूना परिक्षण गर्दा ४ सय १८ जनामा कोरोना पोजेटिभ भेटिएको हो ।

यससँगै नेपालमा कोरोना संक्रमित हुने व्यक्तिको संख्या २० हजार ७ सय ५० पुगेको छ ।

त्यस्तै गत २४ घन्टामा ३ सय ५८ कोरोना संक्रमित निको भएर घर फर्केका छन् । अहिलेसम्म घर फर्कनेको संख्या १४ हजार ९ सय ६१ पुगेको छ ।

अहिले देशका विभिन्न अस्पताल र आइसोलेसन सेन्टरमा ५ हजार ७ सय ८९ संक्रमितहरु उपचार गराइरहेका छन् । तीमध्ये लक्षण नदेखिएका केहीलाई होम आइसोलेसनमा राखिएको छ भने आज भेटिएका संक्रमितमध्ये केहीलाई आइसोलेसन सेन्टरमा ल्याउने क्रम जारी छ ।

यस अनलाइनमा प्रकाशित भएको समाचारमा कुनै सल्लाह वा सुझाव दिनुपरेमा [email protected] मा इमेल पठाउनुहोला । हामी फोन भन्दा पनि इमेलमा कुराकानी गर्न रुचाउँछौं ।

प्रतिक्रिया दिनुहोस