दुई साता लकडाउन गरेर कोरोना नियन्त्रणमा प्रभावकारी भूमिका खेल्न विज्ञहरुको सरकारलाई सुझाव

काठमाडौं, २० साउन । कोरोना भाइरसको संक्रमण दर नेपालमा पनि थप बढ्दै गएपछि पुनः लकडाउन गर्नुपर्ने सुझाव विज्ञहरुले दिएका छन् ।

मंगलबार प्रधानमन्त्री निवास बालुवाटारमा भएको छलफलमा कम्तीमा पनि दुई साता लकडाउन गरेर कोरोना रोकथाम तथा नियन्त्रणमा प्रभावकारी भूमिका खेल्न विज्ञहरुले सुझाव दिएका हुन् ।

बैठकमा काँग्रेस सभापति शेरबहादुर देउवाले सरकारले सुझाव लिने मात्रै नभई काम पनि गर्नुपर्ने धारणा राख्नुभएको थियो । बैठकमा जनता समाजवादी पार्टीका अध्यक्ष महन्थ ठाकुरसहित विज्ञहरुले दुई साता लकडाउन गरेर कोरोना नियन्त्रणमा प्रभावकारी भूमिका खेल्न सुझाव दिएको बताइएको छ ।

बैठकमा हालकै अवस्थामा अगाडि बढ्दा कोरोना संक्रमण थप भयावह हुनसक्ने चिन्ता विज्ञहरुले व्यक्त गरेका थिए । कम्तिमा पनि २ साता लकडाउन घोषणा गरेर कोरोना रोकथाम तथा नियन्त्रणमा प्रभावकारी भूमिका खेल्न नै उचित हुने सुझाव विज्ञहरुको थियो ।

प्रधानमन्त्री केपी शर्मा ओलीले पनि विज्ञहरुले दुई साता लकडाउन गर्न दिएको सुझावलाई सकारात्मक रुपमा लिनुभएको बताइएको छ । प्रधानमन्त्री ओलीले यस विषयमा थप छलफल गरेर आफू टुंगोमा पुग्ने जानकारी बैठकलाई गराउनु भएको थियो ।

यस अनलाइनमा प्रकाशित भएको समाचारमा कुनै सल्लाह वा सुझाव दिनुपरेमा [email protected] मा इमेल पठाउनुहोला । हामी फोन भन्दा पनि इमेलमा कुराकानी गर्न रुचाउँछौं ।

प्रतिक्रिया दिनुहोस