महोत्तरीबाट बागलुङ गएका १३ मजदूरमा कोरोना पुष्टि

काठमाडौं । महोत्तरीबाट बागलुङ गएका १३ मजदूरमा कोरोना भाइरस देखिएको छ । धौलागिरि अस्पताल भवन निर्माणका लागि महोत्तरीबाट बागलुङ आएका १३ जना मजदूरमा कोरोना देखिएको हो ।

उनीहरूलाई नगरपालिकाको क्वारेन्टाइनमा राखिएको छ । गण्डकी प्रादेशिक प्रयोगशाला, पोखरामा ६ दिनअघि परीक्षण गर्दा उनीहरूमा कोरोना संक्रमण देखिएको थिएन ।

तर, ६ दिनपछि गरिएको परीक्षणमा उनीहरू संक्रमित रहेको देखिएको स्वास्थ्य कार्यालय बागलुङले जनाएको छ । कामका लागि आएका १७ जना मजदूरहरुमध्ये गत १८ असारमा एकजनामा संक्रमण देखिएपछि सबैको पुनः परीक्षण गरिएको थियो ।

त्यस दिन १६ जनाको रिपोर्ट नेगेटिभ आएको थियो । परीक्षणका लागि पठाइएका बाँकी ३ जनाको भने दोस्रो पटकको रिपोर्ट पनि नेगेटिभ आएको धौलागिरि अस्पतालका प्रमुख डाक्टर शैलेन्द्र विकले बताए ।

यस अनलाइनमा प्रकाशित भएको समाचारमा कुनै सल्लाह वा सुझाव दिनुपरेमा [email protected] मा इमेल पठाउनुहोला । हामी फोन भन्दा पनि इमेलमा कुराकानी गर्न रुचाउँछौं ।

प्रतिक्रिया दिनुहोस