भगवान रामको जन्मभूमि नेपालमै भएको प्रधानमन्त्रीको अडान यथावत, माडीलाई अयोध्याधाम बनाइने

काठमाडौं, २४ साउन । प्रधानमन्त्री केपी शर्मा ओलीले फेरि पनि भगवान श्रीरामको जन्मभूमि नेपालमै भएको आफ्नो अडान दोहोर्याउनु भएको छ ।

प्रधानमन्त्री ओलीले शनिबार (आज) माडी (चितवन)का जनप्रतिनिधिहरुलाई बालुवाटार बोलाएर भगवान श्रीरामको जन्मभूमि नेपालमै भएको बताउदै अध्योध्याधामको ‘मास्टर प्लान’ बनाउन निर्देशन समेत दिनुभएको छ ।

माडीका जनप्रतिनिधिहरुसँगको करिब दुई घण्टा लामो भेटवार्ताको क्रममा प्रधानमन्त्री ओलीले भगवान रामको जन्मभूमि माडीको अयोध्यापुरी नै भएको ठोकुवा गर्नुभयो ।

उहाँले रामको जन्मभूमि अयोध्यापूरी नै भएको र त्यहाँ भव्य मन्दिर बनाउन जनप्रतिनिधिहरुलाई निर्देशन दिनुभएको जानकारी गराइएको छ ।

उहाँले सो क्षेत्रमा २०७८ को दशैंमा मूर्ति अनावरण गर्ने गरी राम र सीताको मन्दिर बनाउन निर्देशन दिनुभएको जनाइएको छ । उत्खनन् गर्ने भन्दापनि शास्त्रीय मान्यतालाई नै आधार मानेर मन्दिर बनाउनुपर्ने जानकारी गराइएको छ ।

यस अनलाइनमा प्रकाशित भएको समाचारमा कुनै सल्लाह वा सुझाव दिनुपरेमा [email protected] मा इमेल पठाउनुहोला । हामी फोन भन्दा पनि इमेलमा कुराकानी गर्न रुचाउँछौं ।

प्रतिक्रिया दिनुहोस