एकै परिवारका ११ जनाको यसरि भयो दु:खद मृत्यु

एजेन्सी – पाकिस्तानबाट भारतको राजस्थानमा आएका एकै परिवारका ११ जनाको मृत्यु भएको छ । जोधपुर जिल्लाको देचू थाना क्षेत्रको खेतमा उनीहरुको शव भेटिएको स्थानीय भारतीय सञ्चारमाध्यमले जनाएका छन् । प्रहरीले घटनाबारे अनुसन्धान सुरु गरेको बताएको छ । घटनास्थलबाट कि’टना’शक औ-षधि भेटिएका र मृत्युको कारण पारिवारिक कलह हुन सक्ने प्रहरीलाई उद्धृत गर्दै बीबीसी हिन्दीले जनाएको छ ।

आइतबार ११ जनाको शव खेतमा भेटिएपछि प्रहरी त्यहाँ पुगेको थियो । झण्डै ८ वर्ष पहिले पाकिस्तानको सिन्ध प्रान्तबाट आएका उनीहरु आदिबासी भील समुदायका हुन् । सो परिवारले खेत भाडामा लिएर खेती गर्दै आएका थिए । ३७ वर्षका एक जना केवल राम जीवित रहेकाले उनीबाटै घटनाको रहस्य खुल्न सक्ने प्रहरीले जनाएको छ । मृतक केवल रामका आमाबुवा, एक भाइ, तीन बहिनी, एक छोरी र दुई छोरा तथा उनका हजुरबुबा रहेको जनाइएको छ ।

३७ वर्षका केवल राम मात्रै जीवित रहेका छन् । प्रहरीले केवल रामसँग सोधपुछ गरिरहेको छ । घर भन्दा पर गएर सुतेका कारण केवल राम जीवित रहन सफल भएको प्रारम्भिक जानकारी छ ।

मृत्युको कारण थाहा पाउन फरेन्सिक एक्सपर्टको सहयोग लिइएको प्रहरीले जनाएको छ । पाकिस्तानबाट शरणको खोजी गर्दै आएको यो हिन्दू परिवारले भारतमा नागरिकताका लागि अपिल गर्दै आएको स्थानीय अगुवाले बताएका छन् ।

यस अनलाइनमा प्रकाशित भएको समाचारमा कुनै सल्लाह वा सुझाव दिनुपरेमा [email protected] मा इमेल पठाउनुहोला । हामी फोन भन्दा पनि इमेलमा कुराकानी गर्न रुचाउँछौं ।

प्रतिक्रिया दिनुहोस