वीरगन्जको अस्पतालमा उपचार गराइरहेका कोरोना संक्रमित पुरुषको मृत्यु

वीरगन्जमा बिहीबार साँझ कोरोना संक्रमित एक वृद्धको मृत्यु भएको छ।

नारायणी कोभिड १९ वीरगन्ज केयर अस्पतालमा उपचाररत वीरगन्ज महानगरपालिका वडा नम्बर ५ का ७४ वर्षीय वृद्धको मृत्यु भएको हो।

जिल्ला प्रशासन कार्यालय वीरगन्जका कोभिड-१९ फोकल पर्सन विनय चौरसियाकाअनुसार बुधबार स्वाब संकलन गरी जेन एक्सपर्ट विधिबाट परीक्षण गर्दा उनमा कोरोना पोजेटिभ पुष्टि भएको थियो।

ट्राभल हिस्ट्री नभएका ती वृद्धलाई ज्वरो र खोकीको समस्या थियो। यो सँगै पर्सामा कोरोना संक्रमण भएर मृत्यु हुनेको संख्या २५ पुगेको छ। पर्सा जिल्लामा बिहीबार ५५ जनामा कोरोना संक्रमण पुष्टि भएको थियो।

 

प्रतिक्रिया दिनुहोस