झापाको बिएण्डसीमा कार्यरत १२ स्वास्थ्यकर्मीसहित २८ जनामा कोरोना पुष्टि, एकको निधन

झापामा कोरोना भाइरस संक्रमित एक महिलाको निधन भएको छ ।

झापाको कन्काई नगरपालिका वडा नं. ३ की ४५ वर्षिया महिलाको उपचारकको क्रममा धरानको विपीमा निधन भएको हो । उनलाई भाद्र १८ गते कोरोना संक्रमण पुष्टि भएको थियो ।

त्यस्तै आज झापामा जिल्लामा थप २८ जनामा कोरोना संक्रमण देखिएको छ । जसमध्ये विर्तामोड नगरपालिकामा रहेको बिएण्डसी अस्पतालमा कार्यरत १ जना चिकित्सक र ११ जना स्वास्थ्यकर्मी सहित १२ जना, कमल नगरपालिकामा ११ जना र मेचीनगर नगरपालिकाको होल्डिङ सेन्टरमा रहेका २ सुरक्षाकर्मीसहित ५ जना गरी जम्मा २८ जनामा कोरोना संक्रमण पुष्टी भएको हो ।

अस्पतालमा कार्यरत चिकित्सकसहित स्वास्थ्यकर्मीमा संक्रमण देखिएपछि बिर्तामोड नगरपालिकाले बिएण्डसी अस्पताल शिल गर्ने तयारी गरेको छ ।

योसँगै झापा जिल्लामा कोरोना संक्रमितको संख्या ६ सय ७५ पुगेको छ । संक्रमितमध्ये ४ सय ८१ जना निको भएर घर फर्केको स्वास्थ्य कार्यालय झापाका कोभिड फोकल पर्शन जीवन चौलागाईंले बताए ।

अहिले १ सय ९४ कोरोना संक्रमितहरु विभिन्न अस्पताल र आइसोलेसन केन्द्रमा उपचार गराइरहेका छन् । तीमध्ये केही होम आइसोलेसनमा पनि बसेको बताइएको छ ।

प्रतिक्रिया दिनुहोस