भारतसँग त’नाव चलिरहँदा चिनियाँ सेनाले उचाइमा गर्‍यो लाइभ फा’यर (भिडियोसहित)

एजेन्सी। चिनियाँ जनमुक्ति सेनाको तिब्बत मिलिटरी कमान्डले ४९ सय मिटरको उचाइमा लाइभ–फा’यर अभ्यास गरेको छ । लाइभ फा’यर अभ्यास भनेको वास्तविक गो’लीगट्ठा लिएर थोत्रा ट्यां’क वा जहाज आदिमा प्र’हार गरेर गरिने अभ्यास हो।

मिसाइल गन इन्टिग्रेटेड ह’तियार प्रणाली, संयुक्त स्ट्राइक प्रणाली र बहुआयामिक असल्ट लगायतका ह’तियारका साथ अभ्यास गरिएको हो । भारतसँगको त’नाव चलिरहँदा चीनले लगातार अभ्यास गर्दै आइरहेको छ।

भारतमा एकैदिनमा अहिलेसम्मकै धेरै सङ्क्रमित

२६ भदौ: भारतमा कोरानाभाइरसबाट दैनिक सङ्क्रमितहरुको संख्या अहिलेसम्मकै सवैभन्दा धेरै पुगेको छ । सरकारी अधिकारीहरुले दिएको जानकारी अनुसार भारतमा पछिल्लो २४ घण्टामा ९६ हजार ५५१ जना कोरोनाभाइरसबाट सङ्क्रमित भएका छन् ।

सोही अवधिमा भारतमा कोरोनाकै कारण एक हजार २०९ जनाको मृत्यु भएको पनि अधिकारीहरुले जानकारी दिएका छन् । भारतमा अहिलेसम्म कुल ४५ लाखभन्दा बढी सङ्क्रमित भएको विवरण सार्वजनिक गरिएको छ ।

केन्द्रीय स्वास्थ्य तथा परिवार कल्याण मन्त्रालयले देशभरी कुल ४५ लाख ६२ हजार ४१५ जना कोरोना भाइरसबाट सङ्क्रमित भएको जनाएको छ । कुल सङ्क्रमित मध्ये नौ लाख ४३ हजार ४८० जना अझै पनि सङ्क्रमित अवस्थामै रहेका छन् भने अरु ३५ लाख ४२ हजार ६६४ जना सङ्क्रमणमुक्त भइसकेका छन् ।

भारतमा अहिलेसम्म कोरोनाभाइरसकै कारण मृत्यु भएकाहरुको संख्या ७६ हजार २७१ पुगेको अधिकारीहरुले शुक्रबार जनाएका छन् ।भारतका प्रदेशहरु मध्ये सवैभन्दा धेरै महाराष्ट्र प्रदेश प्रभावित भएको छ । महाराष्ट्र प्रदेशमा मात्रै अहिले पनि दुई लाख ५३ हजार एक सय मानिस कोरोनाभाइरसबाट प्रभावित भएका सक्रिय सङ्क्रमित रहेका छन् ।

महाराष्ट्रमा मात्रै अहिलेसम्म कुल छ लाख ८६ हजार ४६२ जना सङ्क्रमित भएका छन् भने अरु २७ हजार ७८७ जनाको कोरोनाकै कारण मृत्यु भएको छ । त्यसैगरी दोस्रो धेरै प्रभावित भएको आन्द्र प्रदेशमा ९७ हजार २७१ जना अझै पनि सङ्क्रमित अवस्थामै रहेका छन् । यस प्रदेशमा अहिलेसम्म कुल चार लाख २५ हजार ६०७ जना सङ्क्रमित भएका छन् भने चार हजार ६३४ जनाको मृत्यु भएको छ ।-एएनआई/Photo: Agency

प्रतिक्रिया दिनुहोस