आज मंगलग्रह दुर्लभ रुपमा पृथ्वीबाट नजिकै र चम्किलो देखिने

असोज २७ काठमाडौं । आज मंगलग्रह पृथ्वीबाट सबैभन्दा नजिक देखिने र चम्किलो पनि देखिने छ । जसका कारण पृथ्वी, सूर्य र मंगलग्रह एकै दिशामा रहने छन् । खगोलशास्त्रमा दुर्लभ मानिएको यो क्षणलाई मंगलग्रहको अपोजिसन भनिएको छ ।

जहाँ तीन वटा ग्रह १८० डिग्री कोणमा रहने छन् । नासाका अनुसार प्रत्येक दुई वर्षमा हुने मंगलग्रह पृथ्वीबाट नजिक देखिने गरेको छ । १३ अक्टोबरमा मंगलग्रह पृथ्वी नजिक देखिने नासाका वैज्ञानिकहरुले यसअघि नै बताएपनि गत ६ अक्टोबरमा यो ग्रह करिव पृथ्वी नजिक आइपुगिसकेको छ भने अहिले पृथ्वी र मंगलग्रहको दूरी ३८ दशमलव ६ मिलियन माइलको दूरीमा रहेको छ ।

अब सन् २०३५ मा मात्रै मंगलग्रह पृथ्वी नजिक पुग्ने नासाका वैज्ञानिकहरुले जनाएका छन् । यस अघि सन् २००३ मा मंगलग्रह पृथ्वीबाट ३४ दशमलव ८ मिलियन माइलको दूरीसम्म आइपुगेको थियो ।

यस अनलाइनमा प्रकाशित भएको समाचारमा कुनै सल्लाह वा सुझाव दिनुपरेमा [email protected] मा इमेल पठाउनुहोला । हामी फोन भन्दा पनि इमेलमा कुराकानी गर्न रुचाउँछौं ।

प्रतिक्रिया दिनुहोस