आज आइतबार, सरकारद्वारा सार्वजनिक बिदा दिने निर्णय

धनगढी- सुदूरपश्चिम प्रदेशको कैलाली र कञ्चनपुरमा आज आइतबार (२७ भदौ) सार्वजनिक बिदा दिने निर्णय गरिएको छ ।थारु समुदायको महत्वपूर्ण पर्व अट्वारीका अवसरमा सुदूरपश्चिम प्रदेश सरकारले आज तराईका दुई जिल्लामा सार्वजनिक बिदा दिने निर्णय गरेको हो ।

सुदूरपश्चिम प्रदेश सरकारको १९ वैशाख २०७८ मा बसेको बैठको निर्णयअनुसार थारु समुदायले भव्यताकासाथ मनाउने अट्वारी पर्वका अवसरमा कैलाली र कञ्चनपुरमा सार्वजनिक बिदा दिने निर्णय गरिएको आन्तरिक मामिला तथा कानुन मन्त्रालयले जनाएको छ ।

सुदूरपश्चिम प्रदेशका आन्तरिक मामिला तथा कानुनमन्त्री पूर्ण जोशीकाअनुसार प्रदेश सरकारले थारु समुदायको मौलिक पर्व अट्वारीको लागि आज एक दिन बिदा दिने निर्णय गरिएको हो ।

♦‘असाध्यै हट’ भएका कारण यि टिभी स्टार सपिङ मलबाट निकालिइन्, त्यसपछि के गरिन् ?

एजेन्सी । एक जना युवतीलाई असाध्य हट भएका कारण सपिङ मलबाट निकालिएको कुरा सार्वजनिक भएको छ । ति युवतीले आफै त्यस्तो खुलासा गरेकी हुन् । एक रियालिटी टिभी स्टारले आफू ‘असाध्यै हट’ भएका कारण दुबईको एक सपिङ मलबाट आफुलाई बाहिर निकालिएको दाबी गरेकी छिन् ।

आफै बाहिर जान नमानेपछि उनलाई प्रहरी बोलाएर निकाल्छौं भनेर चेतावनी पनि दिइयो । उनको यो भनाई अहिले निकै चर्चित भएको छ । अन्तराष्ट्रिय मिडियाले उनको चर्चा गरेका छन् । उनले अन्तरवार्ताका क्रममा भनेकी छन्, केही समय अघि म छुट्टी मनाउन दुवई गएकी थिएँ । २२ वर्षकी एमी रस सोसल मिडिया इन्फ्लुएन्सर हुन् । इन्स्टाग्राममा उनका १८८,००० फलोअर्स छन् ।

उनले भनिन्, ‘एकपटक उनी दुबईको सपिङ मलमा जाँदा मेरो सामना सुरक्षा कर्मचारीसँग भयो । उनले मेरो लवाई सही नभएको बताएका थिए ।’ यस्तै जर्मन मिडिया अनुसार यो घटना त्यतिबेला भयो जब रियालिटी स्टार ग्लिटर टप र मिनी स्कर्ट लगाएर मल गएकी थिइन् ।

एमी रसले दाबी गर्दै भनिन्, ‘मलमा प्रवेश गरेपछि सुरक्षाकर्मीले मलाई म यसरी घुम्न नसक्ने बताए । त्यसपछि कर्मचारीले मलाई सपिङ गर्न दिएनन् । उनीहरुले मलाई प्रहरी बोलाउने ध म्की पनि दिए । यहाँसम्म कि उनीहरुले एक लिखित चेतावनी पनि दिए ।’

एमीले बिल्ड वेबसाइटलाई भनिन्, ‘एक सुरक्षा कर्मचारी अचानक म भएठाउँ आए र मैले असाध्यै उ त्ते जि त गर्ने पहिरन लगाएको छु भन्न थाले । म यसरी मलमा घुम्न नसक्ने पनि उनले बताए । उनीहरुले मलाई प्रहरीको ध म्की दिए र मलाई मलबाट बाहिर निकालिदिए । उनीहरुले लिखित चेतावनी पनि दिए ।’

युवतीले पाएको लिखित चेतावनी दुबई मलको एक शिष्टाचार नीति थियो जसमा लेखिएको थियो, ‘कृपया सम्मानजनक कपडा लगाउनुहोस् ।’ एमी रसले थपिन्, ‘त्यसपछि मैले बाहिर राखिएको एउटा लामो टिसर्ट खरिद गरेँ । यद्यपि, मलाई लाग्दैनथ्यो कि मेरो लवाई त्यस्तो का मु क थियो ।’

प्रतिक्रिया दिनुहोस