घरबाटै गाँजा बेच्ने गरेका काहुँडाँडाका गोविन्द खत्री पक्राउ

पाेखरामा घरमा अवैध लागुऔषध गाँजा राखेर बिक्रिवितरण गरेकाे अभियाेगमा आइतबार साँझ एक व्यक्तिलाई प्रहरीले पक्राउ गरेकाे छ ।

कास्कीकाे पोखरा ११ काहुँडाँडाका ५८ वर्षीय गोविन्द खत्री ३ के.जी. सुकेको अवैध लागुऔषध गाँजासहित आफ्नै घरबाट पक्राउ परेका हुन् ।

पाेखरा काहुँडाँडास्थित खत्रीको घरमा अवैध लागुऔषध गाँजा संचय गरी बिक्रिवितरण र ओसारपसार समेत गर्ने गरेकाे भन्ने गोप्य सूचनाका आधारमा वडा प्रहरी कार्यालय रामबजार पाेखराबाट प्रहरी टाेली खटिएकाे थियाे ।

काहुँडाँडाकाे शिवालयचोकस्थित खत्रीको घर खानतलासी गर्दा ३ के.जी. सुकेको अवैध लागुऔषध गाँजा फेला पारी निजलाई नियन्त्रणमा लिइ कानुनी प्रक्रिया अगाडि बढाइएको प्रहरीले जनाएकाे छ ।

प्रतिक्रिया दिनुहोस