भारतमा कोरोना भाइरसको संक्रमण तीब्र रुपमा फैलदै, संक्रमितको संख्या २८ पुग्यो

भारतमा कोरोना भाइरसको संक्रमण तीब्र रुपमा फैलदै, संक्रमितको संख्या २८ पुग्यो

नयाँ दिल्ली, २१ फागुन । कोरोना भाइरसको संक्रमण फैलने क्रम भारतमा पनि तीब्र बनेको छ ।

बुधबार अपरान्हसम्म भारतमा कोरोना भाइरस कोविड–१९ संक्रमित व्यक्तिको संख्या २८ पुगेको छ ।

संक्रमित मध्ये १६ जना इटालियन नागरिक रहेको भारतीय सञ्चार माध्यमहरुले जनाएका छन् ।

गत साता भारतको राजस्थान घुमेर फर्किएका एक इटालियन नागरिकमा कोरोना भाइरसको संक्रमण देखिएको र त्यसपछि क्वारेन्टाइनमा राखिएका बाँकी १५ जनामा बुधबार कोरोना भाइरसको संक्रमण देखिएको भारतीय सञ्चार माध्यमहरुले उल्लेख गरेका छन् ।

इटालीका पर्यटकहरुलाई घुमाउने बसका ड्राइभरलाई समेत कोरोना भाइरसको संक्रमण देखिएको बताइएको छ ।

यसैगरी आग्रामा एक व्यक्तिले आफ्ना परिवारका ६ जनामा कोरोना भाइरसको संक्रमण सारेको पुष्टि भएको छ ।

इटालीबाट आएका ती व्यक्तिले आफ्ना परिवारका ६ जनामा भाइरसको संक्रमण सारेको पनि उल्लेख गरिएको छ ।

यस अनलाइनमा प्रकाशित भएको समाचारमा कुनै सल्लाह वा सुझाव दिनुपरेमा [email protected] मा इमेल पठाउनुहोला । हामी फोन भन्दा पनि इमेलमा कुराकानी गर्न रुचाउँछौं ।

प्रतिक्रिया दिनुहोस