यीनै जोडी हुन श्रीमतीको जन्मदिनमा ब्लड क्यान्सर पिडितलाई सहयोग गर्ने

यीनै जोडी हुन श्रीमतीको जन्मदिनमा ब्लड क्यान्सर पिडितलाई सहयोग गर्ने
देशका विभिन्न स्थानमा आफ्नो जन्मउत्सव बनाउने पछिल्लो समयमा निकै लहर झै बनेको छ । त्यसैमा जन्मदिनमा ठुलो ठुलो होटेल लजहरुमा गएर केक काटेर वियर र हुस्कीसंगै आफ्नो जन्म दिन बनाउने परम्परा नै चलिरहेको छ । कुनै कुनै ठाउमा कुनै व्यक्तिले मात्रै सामाजिक कामका लागि आफ्नो जन्मदिनको खर्च प्रयोग गरिरहका छन् । त्यसैका एउटा पात्र हुन सुन्दरहरैचा, ईलाका प्रहरी कार्यालय बेलबारीका प्रहरी निरिक्षक गुणराज बुढाथोकिले आफ्नो श्रीमतीको जन्मोत्सवको अवसर पारी ब्लड क्यान्सर पिडित एक युवालाई आर्थीक सहयोग गरेका छन ।

प्रहरी निरिक्षक बुढाथोकिले आफ्नो श्रीमती रोशीका बुढाथोकी ( दाहाल ) को जन्मोत्सवको अवसर पारी मकालु टेलिभिजनमा कार्यरत पत्रकार कमल पौडेलको स्वास्थ्य लाभको कामना गर्दै बिहिबार आर्थीक सहयोग गरेका हुन ।

उतरी मोरङमा रहेर सञ्चार क्षेत्रमा रहेका उतरी मोरङका विभिन्न स्थानिय तहहरु बेलबारी, सुन्दरहरैचा, केराबारी र लेटाङबाट कमल पौडेल बचाउ अभियान लिएर आर्थिक संकलन गरिरहेका सञ्चारकर्मीहरुलाई बिहिबार बुढाथोकिले रु ६ हजार ५ रुपैया सहयोग गरेको आर्थिक संकलन समितिका सदस्य राज पोखरेलले बताए ।

प्रहरी निरिक्षक बुढाथोकिले उक्त रकम समितिका सदस्य पोखरेललाई बिहिबार हस्तान्तरण गरेका हुन । उतरी मोरङका विभिन्न स्थानिय तहमा रहेर सञ्चार क्षेत्रमा कृयाशिल रहेका सञ्चारकर्मीहरुले सयुक्त रुपमा पौडेलको स्वास्थ्य लाभको कामना गर्दै विभिन्न संघ सस्था र व्यक्ती सग रकम संकलन गरिरहेका छन ।

प्रतिक्रिया दिनुहोस