बामदेव गौतमले भने- दशगजामा दुवैतर्फ ५ मिटर अग्लो पर्खाल लगाई नेपाल भारतबीच खुल्ला सिमाना बन्द गर्नुपर्छ

काठमाडौं, १४ असार । नेपाल कम्युनिस्ट पार्टीका उपाध्यक्ष बामदेव गौतमले नेपला भारत सिमा दशगजामा पाँच मिटर अग्लो पर्खाल लगाउनुपर्ने प्रस्ताव गरेका छन् । उनले सिमाको व्यवस्थापनमा जोड दिदै उक्त धारणा राखेका हुन् ।
हिजो बसेको स्थायी कमिटि बैठकमा गौतमले राखेको धारणा आज सार्वजनिक गर्दै दश गजामा पाँच मिटर पर्खाल लगाउनुपर्ने उल्लेख गरेका हुन् । उनले दुवैतर्फ ५ मिटरको पर्खाल लगाउनुपर्ने धारणा राखेका हुन् ।

गौतमले नेपाल र भारतबीच भीसा लिएर मात्र आवतजावत गर्न पाउने व्यवस्था हुनुपर्ने बताएका छन् । उनले भीसा भने निःशुल्क हुनुपर्ने बताए ।
नेपाल र भारतबीच युद्धको कल्पना समेत गर्न नसकिने भन्दै दुवै देशबीचको समस्याको कुटनीतिक वार्ताबाट समस्या समाधान गरिनुपर्नेमा जोड दिएका छन् । उनले महाकाली सन्धी गर्दा पार्टी ह्वीप विरुद्ध मतदान नगर्ने शिर्ष नेताहरुलाई तत्कालिन नेकपा एमालेले निष्काशन गरेको निर्णय गल्ती थियो भनी पार्टीले निर्णय गर्नुपर्ने धारणा समेत राखेका छन् ।
गौतमले हिजो स्थायी कमिटि बैठकमा राखेको ५ बुँदे धारणा
१) पार्टीको निर्णय र सर्वदलीय सहमतिमा भारत द्वारा अतिक्रमित नेपाली भूमी कालापानी लिपुलेक र लिम्पिया धुरा समेत समेटिएको नेपालको नयां नक्सा जारी गरी संघीय संसदका दुवै सदनवाट सर्वसम्मतिमा पारित गरेर सार्वजनिक गरेकोमां नेपाल सरकार , सवै राजनितिक पार्ट दुवै सदन,र संपूर्ण नेपाली जनतामा हार्दिक धन्यवाद
वधाई र आभार प्रकट गर्छु।

२) सिंगो राष्ट्रलाई एकतावद्धगरि अतिक्रमित भूमिसहितको नेपालको नयां नक्सा जारीगरेर यो संघर्षमा ९९प्रतिशत विजय हासिल भएकोछ। भारतीय सेनाा नेपालीभूमिवाट हट्दासाथ हामीले१००प्रतिशत विजय हासिल गर्नेछौं।
३) यसै सनदर्भमा गरिएको महाकालीनदीको एकिकृत विकास संवन्धि सन्धि राष्ट्रघाती छ भनेर संयोजकों ह्वीप उल्लंघन गरेको आरोपमॉ म सहितका १६ जना एमालेका शिर्षस्थ नेताहरुलाई पार्टीवाट अन्यायपूर्वक निष्कासन गरिएको थियो। पार्टी विरोधी भनेर हामीलाई लगाइएको आरोप सहीत पार्टी वाट निश्कासन गर्ने त्यसवेलाको एमालेले गरेको निर्णय गलत थियो भनेर अहिले निर्णय गरियोस।
४) अव ढिला नगरि नेपाल भारत विच रहेको खुल्ला सीमाना वन्द गरी प्रवेसाज्ञा प्रणाली लागु गर्नुपर्छ। प्रवेशाज्ञा भने निःशुल्क उपलव्ध हनुपर्छ। सिमानामा दुवै राष्ट्रको हितका निम्ति दशगजाको दुवैतर्फ ५ मिटर अग्ला पर्खाल लगाउनु पर्छ।
५) हाम्रा दुवै छिमेकी राष्ट्र संग रहेका नेपालका कुनै पनि समस्या समाधान गर्न युद्ध गर्ने त कुरै छाडौ कल्पना पनि गर्न सकिन्न। सवै समस्या शान्तिवार्तावाट नै समाधान गर्नु पर्छ।

यस अनलाइनमा प्रकाशित भएको समाचारमा कुनै सल्लाह वा सुझाव दिनुपरेमा [email protected] मा इमेल पठाउनुहोला । हामी फोन भन्दा पनि इमेलमा कुराकानी गर्न रुचाउँछौं ।

प्रतिक्रिया दिनुहोस