पाकिस्तानका स्थानीय प्रतिनिधिद्वारा खैबर पख्तुनख्वामा प्रान्तीय सरकारले विकसका रकम निकाशा नगरेपछि विरोध प्रर्दशन

पेशावर— पाकिस्तानको खैबर पख्तुनख्वा प्रान्तमा स्थानीय सरकारको स्थापना भएदेखि विकास कोष जारी नगरेकोमा प्रान्तीय सरकारको विरुद्धमा प्रदर्शन गरिरहेका सयौं निर्वाचित प्रतिनिधिहरूलाई तितरबितर पार्न स्थानीय प्रहरीले अश्रुग्यास र पानीको फोहोरा प्रयोग गरेको छ।

सन् २०२१ को डिसेम्बरमा भएको स्थानीय निकायको निर्वाचनपछि तहसील, गाउँ र छिमेकी परिषद्लगायत स्थानीय सरकारको स्थापना भएको डनको रिपोर्टमा उल्लेख छ ।

तर, स्थापना भएदेखि नै उनीहरुलाई विकास आयोजनाका लागि बजेट विनियोजन गरिएको छैन । स्थानीय सरकारमा जिल्ला तह खारेज भएपछि प्रदेश सरकारले प्रशासनिक अधिकार तहसील तहमा हस्तान्तरण गर्न नसकेको प्रदर्शनकारीले आरोप लगाएका छन् ।

पेशावरको जिन्ना पार्कमा प्रान्तका विभिन्न भागबाट तहसील, गाउँ र छिमेकी परिषद्का करिब ५०० अध्यक्षहरू भेला भएका थिए। जसमा पेशावरका मेयर जुबैर अली, पिष्टकेरा तहसील परिषद्का हारुन सिफत र पब्बी तहसील परिषद्का घैयुर खट्टक थिए। प्रतिवेदनमा प्रदर्शनकारीले प्रदेश सरकार स्थानीय शासनको विरुद्धमा भएको भन्दै आलोचना गर्दै नाराबाजी गरेको उल्लेख छ । उनीहरुले पार्कबाट जुलुस निकालेर खैबर रोड हुँदै मुख्यमन्त्रीको घरसम्म जुलुस निकालेर धर्ना दिने योजना बनाएका थिए ।

प्रदर्शनकारीहरू खैबर पख्तुनख्वा विधान सभा भवन नजिक पुगेपछि मुख्यमन्त्रीको घरतर्फ जान नदिन प्रहरीले सुरक्षा गेट लगाएर बाटो बन्द गरेको थियो।

यसका बाबजुद पनि आन्दोलनकारीले गेट तोडेर मुख्यमन्त्री भवनतर्फ मार्च जारी राखेका छन् । आन्दोलनकारीमध्ये एक तहसील परिषद् पब्बीका सदस्य तैमुर कमलले जिल्ला सरकार खारेज गरेसँगै प्रदेश सरकारले केही महत्वपूर्ण विभाग तहसील तहमा हस्तान्तरण गर्ने निर्णय गरेको डनलाई बताए ।