अष्टेलियाको मेलबर्नमा भारतको पञ्जाबी कलाकृति !

मेलबोर्नः अष्ट्रेलिया भारत सम्बन्ध केन्द्रले अष्टेलियाको कला केन्द्र मेलबर्नको सहयोगमा फेडरेसन स्क्वायरमा प्रख्यात भारतीय कलाकर्मी ठुकराल र टाग्राको कलाकृति प्रर्दशनी गर्ने भएको छ ।

चित्रकला, मूर्तिकलामा आफ्नो कामको लागि परिचित ठुकराल र टाग्राले भारतीय कलासंस्कृतिलाई विश्वभर फैलाउनको लागि योगदान गरेका छन् ।

उनीहरू गतिशील र अमूर्त दृश्यको मार्फत भारतीय पौराणिक कथाहरूको व्याख्या गर्नमा केन्द्रित रहेका छन्।

ठुकराल र टाग्रा द्वारा आगामी फेडरेशन स्क्वायर गर्ने प्रर्दशनीमार्फत पञ्जाबी कला संस्कृति र सम्पदालाई विश्वभर चिनाउने छन् ।

मेलबर्नको एशिया टोपा महोत्सव र गोवामा भारतको प्रतिष्ठित सेरेन्डिपिटी आर्ट्स फेस्टिभल बीचको यो रोमाञ्चक सहकार्य मैत्री सांस्कृतिक साझेदारी अनुदान अन्तर्गत पर्दछ।

कला केन्द्र मेलबोर्नमा प्रदर्शन कलाका कार्यकारी निर्देशक मेलानी स्मिथले यस्तो प्रभावकारी साझेदारीलाई सक्षम बनाउन अनुदानको महत्त्वलाई जोड दिइन् ।

यसले दुबै देशका कलाकारहरूलाई समुदायसँग जोड्न, नयाँ सीपहरू विकास गर्न र भारत र अष्ट्रेलियाभरका दर्शकहरूलाई नयाँ, समसामयिक कामहरू प्रस्तुत गर्न एकसाथ ल्याउने उनले बताइन्।

मैत्री साँस्कृतिक साझेदारीको उद्देश्य अष्ट्रेलिया र भारतका फिल्म, थिएटर, साहित्य र भिजुअल आर्टहरू जस्ता जीवन्त रचनात्मक उद्योगहरू बीचको सहकार्य बढाउने हो ।