चीनलाई धार्मिक आदानप्रदान जस्ता कार्यक्रम नगर्न मानव अधिकारवादीको आग्रह

ताईपेई— ताइवानी मानव अधिकारवादी ली मिंग—चेले चिनियाँ संगठनहरूले सुरु गरेका धार्मिक आदानप्रदानमाथि कडा प्रतिबन्ध लगाउन सरकारलाई आग्रह गरेका छन्।

उनका अनुसार, बेइजिङले अनुमोदन गरेका यस्ता धार्मिकआदानप्रदान चिनियाँ कम्युनिस्ट पार्टी (सीसीपी) को राजनीतिक एजेन्डासँग मेल खाने गरी आयोजना गरिन्छन्, जसले धार्मिक स्वतन्त्रतालाई समाप्त गर्ने प्रयास गर्दछ।

लीले चीनमा धार्मिक संगठनहरूले अनिवार्य रूपमा कम्युनिस्ट पार्टी शाखाहरू स्थापना गर्नुपर्ने हुन्छ, जसले स्वतन्त्र धार्मिक अभ्यासलाई असम्भव बनाउँने बताएका छन् ।

यो टिप्पणी चीनमा तीन वृद्ध ताइवानी सदस्यहरूको गिरफ्तारीसँग सम्बन्धित हो, जो अक्टोबरदेखि हिरासतमा छन्। यी सदस्यहरू क्वान ताओ धार्मिक समूहका हुन्। ताइवानका अधिकारीहरूले पटकपटक उनीहरूको रिहाइको माग गरे पनि बेइजिङले त्यसलाई बेवास्ता गरेको छ।

अधिकारीहरूले चीनले उनीहरूलाई रिहा गर्न अस्वीकार गरेको बताए । ताइवानी नागरिकहरूका लागि चीन भ्रमण जोखिमपूर्ण हुन सक्छ। साथै, यसले दुई पक्षीय धार्मिक आदानप्रदानलाई स्थगित गर्ने अवस्था ल्याउन सक्छ।

चीनका ताइवान मामिला कार्यालयका प्रवक्ताले तीन व्यक्तिहरू गुआंगडोङ अधिकारीहरूद्वारा चिनियाँ कानुन अनुसार गिरफ्तार भएका बताएका छन्। प्रवक्ताले अभियुक्तहरूको कानुनी अधिकारको रक्षा गरिने दाबी गरेका छन्।

ली मिंग—चे सन् २०१७ मा चीनमा गिरफ्तार भएका थिए । त्यतिबेला उनलाई राष्ट्रिय सुरक्षामा खतरा भएको आरोप लगाइएको थियो। उनले पाँच वर्ष जेल सजाय भोगेपछि २०२२ मा रिहा भएका थिए।