तेको २४ घन्टामा काठमाडौं जिल्लामा मात्रै ६२० संक्रमित भेटिएका छन् ।
स्वास्थ्य तथा जनसंख्या मन्त्रालयले शुक्रवार सार्वजनिक गरेको गत २४ घन्टाको जिल्ला अनुसार पीसीआर परिक्षणको नतिजामा काठमाडौं जिल्लामा १९४ महिला र ४२६ पुरुष गरी जम्मा ६२० जनामा संक्रमण देखिएको हो ।
यो तथ्यांक अहिलेसम्मकै बढी हो ।
त्यस्तै उपत्यकामा भक्तपुर र ललितपुर जिल्ला ३८-३८ जना गरी उपत्यकामा तीन जिल्लामा आज ६ सय ९६ जना संक्रमित भएका छन्।
स्वास्थ्य तथा जनसंख्या मन्त्रालयका प्रवक्ता डा जागेश्वर गौतमका अनुसार पछिल्लो २४ घन्टामा देशभरी रहेका प्रयोगशालामा १० हजार ७ सय १ जनाको नमूना परिक्षण गर्दा १ हजार ४ सय ५४ जनामा कोरोना संक्रमण पुष्टि भएको हो ।
योसँगै नेपालमा संक्रमित हुनेको संख्या ५१ हजार ९ सय १९ पुगेको छ ।