आज पनि बढ्यो सुनको भाउ, हेर्नुहोस् कति पुग्यो तोलाको ?

काठमाडौँ । साताको चौथो दिन अर्थात बुधबार (आज) पनि नेपाली बजारमा सुनको भाउ बढेको छ। मंगलबार प्रतितोला ३ सय रुपैयाँले बढेको सुन आज पुनः तोलामा ५ सय रुपैयाँ बढेको हो।

आज छापावाल सुन प्रतितोला ८८ हजार रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ। हिजो छापावाल सुन प्रतितोला ८७ हजार ५ सय रुपैयाँमा कारोबार भएको थियो।

आज तेजावी सुन प्रतितोला ८७ हजार ५ सय ५० रुपैयाँमा कारोबार भइरहेको छ। हिजो तेजावी सुन प्रतितोला ८७ हजार ५० रुपैयाँमा कारोबार भएको थियो।

यो पनि पढ्नुहोस
पत्रकार महासंघको मतदान शुरु, ऐतिहासिक निर्वाचनमा पोखरेल र शर्मा भिड्दै

चीनले अनुदानमा दिएको खोप आजदेखि लगाइँदै

यस्तै आज चाँदीको भाउ पनि बढेको छ। आज चाँदी प्रतितोला ५ रुपैयाँले बढेर प्रतितोला १२ सय ४५ रुपैयाँमा कारोबार भइरहेको छ। हिजो चाँदी प्रतितोला १२ सय ३५ रुपैयाँमा कारोबार भइरहेको छ।

लामो समयको कोरोना महामारी र लकडाउन पछि ह्वात्तै बढेको सुन चाँदीको मूल्यमा पछिल्लो समय थोरै घट्बढ् हुने गरेको छ। सुनको मूल्यमा घटबढ भएपनि यसको असर सुन चाँदी बजारमा भने खासै देखिने गरेको छैन।