वासिंगटनः एउटा स्वतन्त्र अमेरिकी कंग्रीगेशनल रिपोर्टका अनुसार भारत विश्वमा हाइपरसोनीक मिसाइल निर्माण गर्ने विश्वका थोरै देशहरूमा पर्ने बताइएको छ । सोही रिपोर्टका अनुसार भर्खरै परमाणु सहितको हाइपरसोनीक मिसाइल परीक्षण गरेको, उक्त मिसाइलले पृथ्वीको चक्कर मार्दा अमेरिकी इन्टेलीजेन्सले पत्ता लगाएको पनि दाबी गरेको हो ।
द इन्डिपेन्डेन्ट अमेरिकी कंग्रीगेशनल रिसर्च सर्भिस सीआरएसका अनुसार विश्वमा अमेरिका, रुस र चीनले अत्यधिक विशिष्ट हाइपरसोनीक हतियार कार्यक्रम लागु गरेका छन् र अन्य देशहरू भारत, फ्रान्स, जापान, अस्ट्रेलिया, जर्मनले पनि हाइपरसोनीक हतियार विकास गरिरहेका छन् ।
उक्त रिपोर्टका अनुसार अस्ट्रेलियाले अमेरिकासँग हाइपरसोनीक हतियार विकासका लागि साझेदारी गरेको हो भनेँ भारतले रुससँग यस्ता हतियार विकासका लागि साझेदारी गरेको छ । भारतले बहोमस २ र मार्च ७ जस्ता हाइपरसोनीक मिसाइल निर्माणका लागि रुससँग साझेदारी गरेको यस रिपोर्टले ठहर गरेको छ । बहोमस २ सन् २०१७ मा नै विकास भइसक्नुपर्ने निर्धारित समय भएतापनि ढिलाइका कारणले सन् २०२५ देखि सन् २०२८ सम्म विकास भइसक्ने दाबी उक्त अमेरिकी रिपोर्टले गरेको छ ।
उक्त रिपोर्टका अनुसार भारतले डयूल क्यापेवल हाइपरसोनीक मिसाइल विकास गरेर सन् २०१९ जुन र सेप्टेम्बर सन् २०२० मा परीक्षण गरिसकेको छ । उक्त डयूल क्यापेवल हाइपरसोनीक मिसाइलको नाम चाहिँ मार्च ६ स्क्रामजेट रहेको उक्त रिपोर्टले जनाएको छ ।
भारतसँग १२ हाइपरसोनीक विन्ड टनेलहरू रहेका अमेरिकी कङ्ग्रेसका स्वतन्त्र सदस्यहरू सम्मेलीत उक्त रिपोर्टले जनाएको छ ।
उता चीनले पनि हाइपरसोनीक मिसाइल परीक्षण गरेको यस हप्ता फाइनान्सीयल टाइम्सले लेखेको थियो यद्धपी चीनका अधिकारीहरूले यसलाई गलत बताएका छन् । चीनले हाइपरसोनीक भेहिकल जाँच गरेको र त्यो हाइपरसोनीक मिसाइल नभएको बताएको हो । बेलायती पत्रिका फाइनान्सीयल टाइम्सले चाहिँ चीनले परीक्षण गरेको हाइपरसोनीक मिसाइल आफ्नो लक्ष्यभन्दा दुई दर्जन माइल अगाडि खसेको भनी यसै हप्ता प्रकाशन गरेको थियो ।