पेप्सीकोला सनसिटी अपार्टमेन्टका कोरोनामुक्त भएका एक व्यक्तिमा पुन: संक्रमण

काठमाडौँ । सनसिटी अपार्टमेन्टका कोरोना मुक्त भएका एक व्यक्तिमा पुन: कोरोना संक्रमण देखिएको छ ।

डिस्चार्ज भएको ११ दिनपछि पीसीआर विधिबाट परीक्षण गराउँदा अपार्टमेन्टमा ५८ बर्षिय पुरुषमा पुन: कोभिड – १९ पोजेटिभ देखिएको हो ।

स्वास्थ्य मन्त्रालय स्रोतका अनुसार उनलाई अहिले पाटन अस्पतालको आइसोलेसनमा राखिएको छ । उनी र उनकी ८१ बर्षीया आमा गत ११ बैशाखमा कोरोना मुक्त भएर डिस्चार्ज भएका थिए ।

उनको फलोअप आउँदा पीसीआर विधिबाट पुन: परीक्षण गरिएको थियो ।

नेपालमा कोरोना मुक्त भएर घर गएका व्यक्तिमा पुन परीक्षण गर्दा पोजेटिभ देखिएको यो पहिलो केस भने होइन् । विश्व स्वास्थ्य संगठनले यसअगाडी नै संक्रमित व्यक्तिहरुमा पुन कोरोनाको लक्षण देखिन सक्ने बताएको थियो । नेपालमा मात्र होइन अन्य देशहरुमा पनि यस्ता केसहरु बाहिर आइरहेका छन्

यस अनलाइनमा प्रकाशित भएको समाचारमा कुनै सल्लाह वा सुझाव दिनुपरेमा [email protected] मा इमेल पठाउनुहोला । हामी फोन भन्दा पनि इमेलमा कुराकानी गर्न रुचाउँछौं ।

प्रतिक्रिया दिनुहोस