पदोन्नतिको माग राख्दै शिक्षकहरूले पाकिस्तान सरकारविरुद्ध प्रदर्शन

खैबर— सयौं विद्यालयका शिक्षकहरूले खैबर पख्तुनख्वा प्रान्तको जिन्ना पार्क नजिकै, पदोन्नतिको मागलाई लिएर पाकिस्तान सरकारविरुद्ध प्रदर्शन गरेका छन्।

पाकिस्तानी अग्रेजी दैनिक द डनका अनुसार शिक्षकहरूले स्तरोन्नतिको माग पूरा नभएसम्म आन्दोलन गर्ने र प्रदेश सभा घेर्ने चेतावनी दिएका छन्।

सबै प्राथमिक शिक्षक संघ खैबर पख्तुनख्वाका अध्यक्ष अजीजुल्लाहले हजारौं शिक्षकहरूले आफ्नो निराशा व्यक्त गरेका छन् र सरकार विरुद्धको विरोधमा भाग लिएका छन्।

प्राथमिक र माध्यमिक शिक्षा मन्त्रीले शिक्षकहरूको प्रर्दशन विरुद्ध एफआईआर दर्ता गर्ने चेतावनी दिएका छन्।

२५ हजारभन्दा बढी शिक्षकले सरकारविरुद्ध आन्दोलन गरेकाले कक्षा सञ्चालन हुन नसकेको उनले बताए । उनले भने, ‘हाम्रो माग पूरा नभएसम्म आन्दोलन जारी रहनेछ ।’

डनका ​​अनुसार शिक्षा विभागले पदोन्नतिको माग स्वीकृत गरेको भएपनि अर्थ विभागको लापरवाहीका कारण कार्यान्वयन हुन सकेको छैन ।

अजिजुल्लाहले स्तरोन्नतिको वार्षिक लागत लगभग ९ अर्ब रुपैयाँ रहेको भएपनि अर्थ विभागले करिब ३० अर्ब रुपैयाँ लागत अनुमान गरेको झुटो दाबी गरेको बताए ।

यसअघि अगस्टमा पछिल्लो निर्वाचित सरकारले गरेको स्तरोन्नतिको निर्णयलाई वर्तमान सरकारले खारेज गरेको थियो ।

पछिल्लो समय स्तरोन्नतिको मागलाई लिएर प्रदेशमा यस्तै प्रदर्शन भएको थियो जहाँ उनीहरुले आफ्ना माग पूरा नभए प्रदेश राजधानीमा आन्दोलन गर्ने चेतावनी दिएका थिए ।