पाकिस्तानमा पोलियो खोप अभियानकर्तालाई ज्यान मार्ने धम्की

खैबर— पाकिस्तमनको खैबर पख्तुनख्वा प्रान्तको खैबर जिल्लामा रहेको जमरुद तहसीलमा संदिग्ध आतंककारीहरूले एक पोलियो खोप अभियानकर्तालाई ज्यान मार्ने धम्की दिएका छन् । आतंककारीले खोप अभियान बन्द गर्न आग्रह गरेका छन्।

घुंडी युनियन काउन्सिलका पोलियो पहल कार्यक्रमका सञ्चालन अधिकृत मिर्जाली खानले डिसेम्बर ७ मा राति ९ बजेतिर गुदर क्षेत्रमा रहेको घरबाट जमरुद सिभिल अस्पतालको लागि निस्केपछि मोटरसाइकलमा आएका दुई नकाबधारी पुरुषले उनलाई रोकेको उनले डन पत्रिकालाई बताए ।

उनले ती मध्ये एक जनाले पेस्तोल बोकेर बच्चाहरूलाई पोलियो थोपा खुवाउन जारी राखेमा टाउकोमा गोली हान्न धम्की दिएको बताए ।

उनले ती दुई जना पछि नजिकैको पहाडमा भागेको जानकारी थिए ।

उनले जमरुद प्रहरी र आफ्नो व्यक्तिगत पर्यवेक्षकलाई घटनाको बारेमा जानकारी गराइसकेका छन् ।

मिर्जालीले आतंककारीले उनलाई पहिलो पटक धम्की दिइएको भए पनि गुदर र वरपरका क्षेत्रका बासिन्दाहरूले सूर्यास्त पछि संदिग्ध आतंककारीहरूको बारम्बार आवतजावत गर्ने गरेको बताएको बताए ।

उनले आफू र आफ्नो परिवारको लागि प्रहरी सुरक्षाको माग गरेका छन् । यस धम्की पछि उनी बाहिर निस्कन छोडेका छन्।

पोलियो पहल कार्यक्रममा संलग्न स्थानीय स्वास्थ्य अधिकारीहरूले घटनाको पुष्टि गरे र खोप दिने र अन्य पोलियो टोलीका सदस्यहरूको लागि राम्रो सुरक्षाको लागि उनीहरू प्रहरीसँग सम्पर्कमा रहेको बताए।

जमरुदमा हालैका वर्षहरूमा आतंकवादी हमलाहरूका कारण पोलियो खोप अभियानमा संलग्न एक दर्जन स्वास्थ्यकर्मी र प्रहरी कर्मचारीहरूले आफ्नो कर्तव्य पालना गर्दा ज्यान गुमाएका थिए।

स्थानीय प्रहरीले जिल्लामा पोलियो अभियानको क्रममा सबै पोलियो खोपमा संलग्न कर्मचारीहरूलाई पूर्ण सुरक्षा प्रदान गरेको बताएको छ ।