पाकिस्तानको सिंध प्रान्तमा वर्षा अभावले गर्दा खडेरी हुनसक्ने चेतावनी

सिंध— पाकिस्तानको मौसम विभाग (पीएमडी) ले सिंध प्रान्तका विभिन्न क्षेत्रहरू जसमा कराँची पनि रहेको छ, का लागि खडेरी हुन सक्ने चेतावनी जारी गरेको छ। यस वर्षा याममा ५२ प्रतिशत कम वर्षा भएकोले खडेरीको अवस्था थप गम्भीर हुने चिन्ता बढेको पीएमडी को रिपोर्टलाई उद्धृत गर्दै अरी न्यूजले जनाएको छ।

मौसम विभागका अनुसार, यो खडेरीको अवस्था फेब्रुअरी र मार्च महिनासम्म जारी रहनेछ। नउशाह्रो फेरेज, सुक्कुर, शहीद बेनजिराबाद, र जमशोरो जस्ता क्षेत्रहरूमा खडेरीको संकटको उच्च जोखिम रहेको छ।

यसको प्रभावलाई कम गर्न, पीएमडीले कराँचीका डिप्युटी कमिश्नरहरूलाई वैकल्पिक व्यवस्थाहरू गर्न निर्देशन दिएको छ। त्यस्तै, खैरपुर र थारपारकर जस्ता जिल्लाहरूलाई सुरक्षात्मक कदमहरू अपनाउन सल्लाह दिइएको छ।

तथ्यांकअनुसार, १ सेप्टेम्बर २०२४ देखि १५ जनवरी २०२५ सम्म पाकिस्तानमा औसतभन्दा ४० प्रतिशत कम वर्षा भएको छ।

यद्यपि केही स्थानमा पछिल्लो समय वर्षा भएको थियो, तर देशका समथर क्षेत्रमा ती अपर्याप्त रहेकोले खडेरी हुन सक्ने सम्भावना रहेको छ। सिंधपछि बलोचिस्तानमा ४५ प्रतिशत र पंजाबमा ४२ प्रतिशत कम वर्षा भएको छ।