पाकिस्तानमा आतंककारी हमलामा वृद्धि

इस्लामाबाद— पाकिस्तानमा २०२५ को जनवरी महिनामा देशभर आतंककारी हमलामा ठूलो वृद्धि देखिएको छ, जुन गत महिनाको तुलनामा ४२ प्रतिशतले बढेको छ । ।

पाकिस्तान इन्स्टिच्युट फर कन्फ्लिक्ट एन्ड सिक्युरिटी स्टडीज ले जारी गरेको प्रतिवेदन अनुसार, पाकिस्तानमा कम्तीमा ७४ आतंककारी हमला भएका छन् । उक्त हमलामा ९१ जनाको मृत्यु भएको छ। मृत्यु हुनेमा ३५ जना सुरक्षा कर्मी, २० जना सर्वसाधारण र ३६ जना आतंककारी रहेका छन्।

यसबाहेक, ११७ जना घाइते भएका छन्, जसमा ५३ जना सुरक्षाकर्मी, ५४ जना सर्वसाधारण र १० जना आतंककारी घाइते भएको प्रतिवेदनले उल्लेख गरेकोछ ।

प्रतिवेदनले सुरक्षा बलले चलाएको प्रतिआतंकवादी अभियानलाई जोड दिएको छ, जसले जनवरी महिनामा कम्तीमा १८५ आतंककारीहरूको मृत्यु भएको छ।

प्रतिवेदन अनुसार, खैबर पख्तुनख्वा (केपी) र बलोचिस्तान पाकिस्तानको सबैभन्दा बढी प्रभावित प्रान्त हो । २०१६ देखि एकै महिनामा सबैभन्दा बढी आतंककारी मारिएको रेकर्ड डिसेम्बर २०२४ मा कायम भएको थियो । यो महिना सुरक्षा बलले १९० आतंककारी मारेका थिए । । जनवरीमा आतंककारी हमला र सुरक्षा अभियानको संयुक्त मृत्यु संख्या २४५ पुगेको छ, जसमा १८५ आतंककारी, ४० सुरक्षाकर्मी र २० सर्वसाधारण रहेका छन् ।

खैबर पख्तुनख्वा (केपी)को बसाइसरा जिल्लाहरूमा २७ आतंककारी हमला भएको थियो । उक्त हमलामा परि १९ जनाको मृत्यु भएको थियो । मृत्यु हुनेमा ११ जना सुरक्षाकर्मी, ६ जना सर्वसाधारण र २ जना आतंककारी छन्। केपीको आदिवासी जिल्लाहरूमा १९ हमला भएको थियो भने ४६ जनाको मृत्यु भएकोछ।

बलोचिस्तानमा पनि आतंककारी गतिविधिमा वृद्धि देखिएको छ, जहाँ कम्तीमा २४ हमला भएको छ र २६ जनाको मृत्यु भएको छ। मृत्यु हुनेमा ११ जना सुरक्षा कर्मी, ६ जना सर्वसाधारण र ९ जना आतंककारी छन्।

पंजाबमा दुई आतंककारी हमला भएक, जसमा एक जनासुरक्षा कर्मी घाइते भएका थिए। जनवरी महिनामा बलोचिस्तानमा दुई आत्मघाती बम हमला भएको छ। यसमध्ये एकको जिम्मेवारी प्रतिबन्धित तहरीक—ए—तालिबान पाकिस्तानले लिएको छ भने अर्कोको जिम्मेवारी प्रतिबन्धित बलोचिस्तान लिबरेशन आर्मीले लिएको छ।

यसबाहेक, प्रतिवेदनले अपहरणमा चिन्ताजनक वृद्धि देखिएको छ, जसमा आतंककारीहरूले कम्तीमा ३७ जनालाई अपहरण गरेका छन्। यसमध्ये २२ जना केपीको लक्की मरवत र टांक जिल्लामा अपहरण भएका छन् भने १५ जना उत्तर र दक्षिण वजिरिस्तानमा अपहरण भएका छन्। दक्षिणी केपीमा अपहरणमा वृद्धिले यस क्षेत्रको सुरक्षा स्थिति बिग्रँदै गएको प्रतिवेदनले जनाएको छ।

यसैबीच, सुरक्षा निकायले केपी र बलोचिस्तानमा सुरक्षा गस्ती अभियानलाई तीव्र बनाएका छन् ।