उइगुर उद्यमीलाई चीनमा जातीय पहिचानका कारण होटलको कोठा दिन अस्वीकार

ताइयुआन— हालै एक युवा उइगुर उद्यमीले चीनको मुख्य भूभागस्थित ताइयुआनमा होटल खोज्ने क्रममा आफूले भोगेको भेदभावको अनुभव सार्वजनिक गरेका छन्। उनको कथालाई विश्व उइगुर कांग्रेसद्वारा ‘एक्स’ मा पोस्ट गरेको थियो।

चिसो जाडो मौसमका बाबजुद, धेरै होटलहरूले उनलाई केवल उइगुर भएकाको कोठा दिन अस्वीकार गरेका थिए।

भिडिओमा, उनले आफ्नो निराशा व्यक्त गर्दै भने, “हामीले यस देशका कानुनहरू सिकेका छौं, जहाँ ५६ जातीय समूहहरूलाई समान अधिकार दिइनुपर्छ र भेदभाव नगरिनु पर्ने हुन्छ। तर म होटल कोठा किन पाउन सक्दिन? उनीहरू हाम्रो क्षेत्रमा आए भने सबै सुविधा खुला हुन्छ, कुनै अवरोध हुँदैन।”

यो घटनाले उइगुर समुदायले भोग्दै आएको निरन्तर प्रणालीगत भेदभावलाई उजागर गरेको छ। दैनिक जीवनमा समेत उनीहरू अनेकौं अवरोधहरू सामना गर्न बाध्य छन्, जसमध्ये होटलमा बस्न नपाउनु एउटा उदाहरण मात्र हो।

उइगुर समुदायमाथि जबरजस्ती श्रम लगाइएको प्रतिवेदन सार्वजनिक भएपछि ‘स्टप उइगुर जेन्साइड’ संस्थाका कार्यकारी निर्देशक रहिमा महमुतले बेलायती आपूर्ति शृङ्खलामा जबरजस्ती श्रम रोक्न तत्काल कदम चाल्न माग गरिन्।

बेलायती संसदमै मानव अधिकार समितिसँग बोल्दै महमुतले चीनको कपास उत्पादन उद्योग जबरजस्ती श्रम प्रयोग गर्ने मुख्य क्षेत्रहरूमध्ये एक भएको प्रमाण बढ्दै गएको बताइन्।

“चिनियाँ सरकारले कपास उत्पादन तथा अन्य धेरै उद्योगहरूमा जबरजस्ती श्रम प्रयोग गरिरहेको तथ्यहरू बढ्दै गएकाले विश्व उइगुर कांग्रेसले कानुनी कारबाही अघि बढाएको छ,” महमुतले बताइन्। उनले भनिन्, “उइगुर क्षेत्र (पूर्वी तुर्किस्तान) बाट आउने लगभग सबै उत्पादनहरू जबरजस्ती श्रमबाट प्रभावित छन्। त्यसैले, यो अनुसन्धान अत्यन्त महत्वपूर्ण छ।”