भारतले २०२६ मा ६ दशमलव ५ प्रतिशत वृद्धिदर हासिल गर्ने

नयाँ दिल्लीः भारतको कूल ग्राहस्थ उत्पादन (जीडीपी) वृद्धिदर आर्थिक वर्ष २०२६ मा ६ दशमलवव ५ प्रतिशत रहनेछ, जुन भूराजनीतिक परिवर्तनहरू र अमेरिका नेतृत्वको व्यापार सम्बन्धी अनिश्चितताहरूको बाबजुद पनि स्थिर रहने क्रिसिल इन्टेलिजेन्सको प्रतिवेदनमा उल्लेख गरिएको छ।

क्रिसिलका अनुसार भारतको आर्थिक वृद्धिदर दुई मुख्य कारकमा निर्भर रहनेछ। पहिलो, सामान्य मौसमी अवस्था रहने र वस्तुहरूको मूल्य नरम रहने अपेक्षा गरिएको छ, जसले खाद्यान्नको मूल्य स्थिर राख्नेछ।

दोस्रो, संघीय बजेट २०२५—२०२६ मा घोषित कर लाभहरू, घट्दो कर्जा लागत, र खाद्य मुद्रास्फीति कम हुँदा उपभोक्ताहरूको वैकल्पिक खर्च बढ्ने अपेक्षा गरिएको छ।

क्रिसिल इन्टेलिजेन्सका अनुसार आर्थिक वृद्धिदर अहिले पूर्व—महामारीको स्तरमा फर्किरहेको छ। उच्च आधार प्रभा कम हुँदै जाँदा वृद्धि थप स्थिर हुनेछ। उच्च—आवृत्तिको खरिद व्यवस्थापक सूचकांकले भारतलाई प्रमुख अर्थतन्त्रहरूमध्ये अग्रस्थानमा राखेको देखाउँछ।

क्रिसिलका अनुसार २०२६ मा खाद्य मुद्रास्फीति घट्नेछ, जसले समग्र मुद्रास्फीति घटाउन मद्दत गर्नेछ।

२०२५ मा गैर—खाद्य वस्तुहरूको मूल्यमा गिरावट आए पनि खाद्य मुद्रास्फीति बढेको थियो। क्रेडिट रेटिङ संस्थाले आगामी आर्थिक वर्षमा ब्याज दरमा ५०—७५ आधार अंक कटौती हुनसक्ने पनि अनुमान गरेको छ।

क्रिसिलले भारतको नयाँ प्रविधि क्षेत्रहरूको विस्तार, उच्च स्थानीयकरण, आपूर्ति श्रृंखलामा पछाडि सम्मिलित हुने प्रयास, तथा ‘मेक इन इंडिया’, चरणबद्ध निर्माण कार्यक्रम र उत्पादन आधारित प्रोत्साहन जस्ता सुधारहरूले सकारात्मक संकेत देखाइरहेको उल्लेख गरेको छ।

तर, प्रतिवेदनमा अन्तर्राष्ट्रिय चुनौतीहरूको उल्लेख पनि गरिएको छ। व्यापार तथा भन्सार नीतिको अनिश्चितताले प्रविधि हासिल गर्न, उत्पादन वृद्धि गर्न, तथा निर्यात बढाउन कठिनाइ हुन सक्ने चेतावनी क्रिसिलले दिएको छ।