विगत १० वर्षमा भारतको हातहतियार निर्यात ३० गुणाभन्दा बढीले वृद्धि

नयाँ दिल्लीः पछिल्लो समय रुस—युक्रेन युद्ध र इजरायल—हमास युद्ध जस्ता द्वन्द्वका कारण भारतको हातहतियार निर्यात विगत १० वर्षमा ३० गुणाभन्दा बढीले वृद्धि भएको देखिएको छ।

भारतीय सञ्चारमाध्यमका अनुसार भारतको रक्षा उद्योग (हात हतियार, गोली गठ्ठा निर्माण गर्ने ) ले अब विश्वका ९० भन्दा बढी देशहरूमा आपूर्ति गर्ने गर्छछ । पछिल्लो समय भारतीय सरकारले सक्रिय रूपमा लाइसेन्स प्रणाली र स्वीकृतिहरूलाई सक्रिय रूपमा जोड दिइरहेको छ।

संयुक्त राज्य अमेरिका सबैभन्दा ठूलो रक्षा निर्यात गर्ने देशको रूपमा रहेको छ । भारत सरकारले पनि अफ्रिका र अन्य देशहरूमा रक्षा उपकरणहरू आपूर्ति गर्न ध्यान केन्द्रित गरिरहेको छ ।

भारतको रक्षा मन्त्रालयले यस वर्षको सुरुमा जारी गरेको मिडिया विज्ञप्तिमा देशको रक्षा निर्यात आर्थिक वर्ष २०२३—२४ मा २ अर्ब ६३ करोड अमेरिकी डलर पुगेको बताएको छ ।

सरकारी अधिकारीहरूले भारत सरकारले ल्याएका नीतिगत सुधारहरू र व्यवसाय गर्न सजिलो पहलका कारण यो वृद्धि हासिल भएको बताएका छन् ।

यद्यपि भारत सरकारले निर्यातको प्रकार वा यसमा संलग्न देशहरूको बारेमा विशेष विवरण खुलाएको छैन,। तर पनि, भारतले निर्यात गर्ने रक्षात्मक साम्रगीमा धेरै कुरा रहेको छ । भारतले निर्यात गर्ने सामग्रीमा गोलाबारुद, स्नाइपर राइफल जस्ता साना हतियारहरू, र बुलेटप्रुफ ज्याकेटहरूदेखि लिएर ड्रोन, लाइट टारपेडो, बख्तरबंद सवारी साधनहरू र द्रुत आक्रमण जहाजहरू जस्ता थप उन्नत वस्तुहरू समावेश छन् ।

उल्लेखनीय रूपमा, भारतले फिलिपिन्ससँग ब्रह्मोस मिसाइल सम्झौता र आर्मेनियासँग आर्टिलरी र वायु रक्षा प्रणालीको सम्झौता जस्ता महत्त्वपूर्ण सम्झौताहरू हस्ताक्षर गरेको छ, जबकि बेलायतले भारतको कुल रक्षा निर्यातको लगभग ५० प्रतिशत हिस्सा ओगटेको छ