चीनको आक्रामक सीमा रणनीतिः भूमि लाभका लागि क्षेत्रीय स्थायित्वमा खतरा

बेइजिङः चिनियाँ कम्युनिष्ट पार्टी (सीसीपी) को क्षेत्रीय रणनीतिले एशियाको क्षेत्रीय सुरक्षामा महत्वपूर्ण प्रभाव पारेको छ।

दक्षिण चीन सागरमा आफ्नो सैन्य उपस्थितिदेखि लिएर भारत र भुटानसँगको सीमा विवादसम्म चीनको हालैको गतिविधीले क्षेत्रीय स्थायित्वलाई कमजोर बनाउने गरेको छ।

हाल, चीन आफ्ना १७ छिमेकी देशहरूसँग विवादमा संलग्न छ, जसमध्ये कम्तिमा ७ विवादहरू भूमिसम्बन्धी छन्। यस विस्तृत सूचीले चीनले जानाजानी क्षेत्रीय लाभका लागि वार्ताको फाइदा उठाउन द्वन्द्व सिर्जना गरिरहेको देखाउँछ।

चीनको महत्वाकांक्षाले प्रायः लामो समयदेखि चलिरहेको द्वन्द्वलाई निम्त्याएको छ , यतिमात्र होइन्, पहिले नै तनावपूर्ण क्षेत्रमा अस्थिरता सिर्जना गरेको छ। अन्तर्राष्ट्रिय मापदण्डहरूको उल्लङ्घन गरेर र आफ्नो क्षेत्रीय दाबी विस्तार गरेर, चीनले आफ्ना छिमेकीहरूलाई अलग पार्ने काम गरेको छ भने जापान, भारत, भियतनाम र फिलिपिन्स जस्ता देशहरूसँग द्धन्द्ध सिर्जना गरेको छ ।

साना देशले चिनियाँ दबाबको महसुस गरेका छन्। भुटानले चीनसँग चलिरहेको क्षेत्रीय विवादको सामना गरिरहेको छ, विशेष गरी यसको उत्तरी र पश्चिमी सिमानालाई असर गरिरहेको छ। ऐतिहासिक मैत्रीपूर्ण सम्बन्ध भए पनि नेपालले चिनियाँ अतिक्रमणप्रति चिन्ता व्यक्त गरेको छ । दशकौंदेखि चीनबाट प्रभावित मङ्गोलियाले आफ्नो सार्वभौमसत्ता र स्रोतसाधनको सन्दर्भमा दबाबको सामना गरिरहेको छ।