पाकिस्तानमा कुपोषणका कारण वार्षिक १७ अर्ब डलरको क्षति

इस्लामाबाद— पाकिस्तानले कुपोषण संकटका कारण वार्षिक १७ अर्ब डलर ( ४ दशमलव ७३३ खर्ब पाकिस्तानी रुपैयाँ) बराबरको आर्थिक क्षति व्यहोर्दै आएको छ, जुन देशको कुल राष्ट्रिय आम्दानीको ४ दशमलव ६ प्रतिशत बराबर हो। न्यूट्रिसन इन्टरनेसनलद्वारा तयार गरिएको हालैको एक प्रतिवेदनअनुसार, यो ठूलो क्षति चार प्रमुख कारणहरूमा बालबालिकाको उमेर अनुसारको शारीरिक तथा मानसिक वृद्धिमा समस्या, जन्मका समयमा कम तौल, बालबालिकामा रक्तअल्पता, र किशोरी तथा महिलामा रक्तअल्पता रहेका छन् ।

बालबालिकाको उमेर अनुसारको शारीरिक तथा मानसिक वृद्धिमा समस्याका कारण पाँच वर्ष मुनिका ३४ प्रतिशत बालबालिकालाई असर गरेको छ, यो आर्थिक भारको सबैभन्दा ठूलो हिस्सा ओगट्छ। यसले देशलाई वार्षिक १६ अर्ब डलर बराबरको क्षति पुर्‍याएको छ। पाकिस्तानमा कुपोषण समाधानका लागि प्रयास भइरहे पनि २२ प्रतिशत नवजात शिशुहरूको जन्म तौल कम छ भने ६ देखि ५९ महिनाका ५३ प्रतिशत बालबालिकामा रक्तअल्पता पाइएको छ। यी अवस्थाहरूले बौद्धिक क्षति, विद्यालय छाड्ने दरमा वृद्धि, र उत्पादकत्वमा कमी ल्याउँदै देशका आर्थिक तथा विकाससम्बन्धी चुनौतीहरू थप गम्भीर बनाएको छ।

अध्ययनले बालबालिकाको उमेर अनुसारको शारीरिक तथा मानसिक वृद्धिमा समस्याका कारण कारण पाकिस्तानमा हरेक वर्ष १ करोडभन्दा बढी बालबालिका प्रभावित हुने गरेका छन्, र वार्षिक दुई लाख बालबालिका प्रभावित हुने गरेका छन् ।

पाकिस्तानले दक्षिण एसियामा सबैभन्दा धेरै बालबालिकाको उमेर अनुसारको शारीरिक तथा मानसिक वृद्धि नहुने समस्या भोगिरहेको छ र यो विश्वमै १८औँ स्थानमा रहेको छ। न्यूट्रिसन इन्टरनेसनलले पाकिस्तानलाई २०२५ सम्म बालबालिकाको उमेर अनुसारको शारीरिक तथा मानसिक वृद्धिमा समस्यालाई ४० प्रतिशतले घटाउने विश्व स्वास्थ्य सभाको लक्ष्य हासिल गर्न आवश्यक कदम चाँडो चाल्न सुझाव दिएको छ।