बहुराष्ट्रिय साइबर अपराधको आरोपमा जाम्बियामा २२ चिनियाँ नागरिकलाई जेल चलान

लुसाका—जाम्बियाको एक अदालतले २२ चिनियाँ नागरिकहरूलाई साइबर अपराधको लागि लामो जेल सजाय सुनाएको छ । अदालतले उनीहरु इन्टरनेट जालसाजी र जाम्बिया, सिंगापुर, पेरु र संयुक्त अरब इमिरेट्सका अन्य मानिसहरूलाई लक्षित गरि अनलाइन घोटालाहरू समावेश भएको पुष्टि गरेको छ ।

राजधानी लुसाकाको मजिस्ट्रेट अदालतले उनीहरुलाई ७ देखि ११ वर्षसम्मको जेल सजाय सुनाएको हो । अदालतले उनीहरुले इण्टरनेट प्रयोग गरी ठगी र गैरकानूनी रूपमा नेटवर्क वा सेवा सञ्चालन गरेको आरोपमा दोषी स्वीकार गरेपछि उनीहरूलाई १५०० देखि ३ हजार अमेरिकी डलर सम्मको जरिवाना पनि गरेको छ। क्यामरुनका एक नागरिकलाई यस्तै आरोपमा सजाय र जरिवाना गरिएको थियो।

उनीहरुले ७७ व्यक्तिहरूको समूहको हिस्सा भएको बताइएको छ । जसमा अधिकांश जाम्बियाली थिए ।

लागूऔषध प्रवर्तन आयोगका महानिर्देशक नासोन बान्डाले अधिकारीहरूले साइबर—सम्बन्धित ठगीका घटनाहरूको संख्यामा वृद्धि देखेपछि र धेरै व्यक्तिहरूले आफ्नो मोबाइल फोन वा बैंक खाताहरूबाट अनावश्यक रूपमा पैसा हराएको गुनासो गरेपछि अनुसन्धान सुरु भएको बताए।

आयोग, प्रहरी, अध्यागमन विभाग र आतंकवाद विरोधी इकाईका अधिकारीहरूले अप्रिलमा लुसाकाको एक अपमार्केट उपनगरमा चिनियाँद्वारा सञ्चालित व्यापारमा छापा मारेको थियो । प्रहरीले छापा मार्दा १३ हजारभन्दा बढी स्वदेशी तथा विदेशी मोबाइल फोन सिमकार्ड, दुई थान भरुवा बन्दुक र ७८ राउण्ड गोली पनि बरामद गरेको थियो ।