पाकिस्तानमा बालविवाहले विकराल रुप लिँदै

इस्लामाबादः पाकिस्तानमा १२ वर्षीया बालिकालाई उनका पिताले खैबर पख्तुनख्वाका ७२ वर्षीय पुरुषसँग विवाह गर्नुअघि अन्तिम क्षणमा उद्धार गरिएको थियो।

प्रहरीको समयमै उद्दार गरेका कारण उनी भाग्यमानी साबित भइन् ।

युनिसेफको तथ्यांकअनुसार पाकिस्तानमा झण्डै १९ लाख बालविवाह गरेका बालिकाहरू रहेका छन्।

पाकिस्तानमा ६ मध्ये एक बालिकाको बाल्यकालमै विवाह हुने गरेको तथ्यांकले देखाएको छ ।

सिन्ध प्रान्तमा बाहेक पाकिस्तानमा बालिकाको विवाहको कानुनी उमेर १६ वर्ष रहेको छ । सिन्धमा चाँही केटा केटी कानुनी उमेर १८ वर्ष तोकिएको छ ।

पाकिस्तानमा विश्वमा बालविवाहको उच्च दर रहेको छ, जसमा अनुमानित ३० प्रतिशत केटीहरूको १८ वर्षअघि नै विवाह हुने गरेको छ ।

बलुचिस्तानको राजधानी क्वेटाका पूर्व सांसद यास्मिन लेहरीले प्रान्तको ग्रामीण र आदिवासी क्षेत्रका प्रायः सबै केटीहरूको १८ वर्षको उमेर नपुग्दै विवाह हुने गरेको बताइन् ।

यद्यपी, ‘शहरी क्षेत्रमा बढ्दो चेतनाका कारण १८ वर्ष वा सोभन्दा बढी उमेरमा केटीको विवाह हुने गरेको छ ।

उनले केटीहरूको जीवनको यस्तो दुखद अवस्था सामना गर्नुको मुख्य कारण गरिबी र आर्थिक कारकहरू रहेको बताइन् ।

गत वर्ष डन न्युजमा प्रकाशित एउटा सम्पादकीयले बाल्यकालमा विवाह गर्ने केटीहरूले ठूलो पीडा भोग्नु पर्ने बताएको थियो। ।